Në forumin rajonal ekonomik në Shkup, kryeministri i Maqedonisë së Veriut, Zoran Zaev, ka kërkuar që të mos ketë ndalesa në kufijtë Maqedoni-Shqipëri-Serbi,

Ai ka thënë që nisma rajonale mes Shkupit, Beogradit dhe Tiranës përmban në vete katër liritë e BE-së dhe sipas tij me këtë nismë synohet lehtësimi i jetës së qytetarëve dhe fuqizimi i bashkëpunimit rajonal, duke shtuar se  nga sot fillon një erë e re e bashkëpunimit në rajon.

“Nga sot mbi 300 ndërmarrës nga e gjithë Ballkani janë këtu me ne. Ne të gjithë jemi këtu për të përforcuar Ballkanin së bashku. Qëllimi jonë është bashkëpunim fuqiplotë, ku do të ndërtojmë ekonomi të përbashkët, jetë më të mirë për të gjithë qytetarët tonë, të vendeve tona. Qytetarët dhe kompanitë do përfitojnë shumë nga ky bashkëpunim i jonë. Të gjithë ne e kemi qëllim BE-në, pasi ne nuk mund të jemi asgjë tjetër, por një Ballkan evropian. Ne jemi të sigurt në rrugën tonë për mallra, lëvizje të lirë pa kufij në stilin “no stop, just go”, tha Zaev , duke paralajmëruar lëvizje pa kufij. /Demokraca.com/