Mae Beale, një pensioniste 82-vjeçare, mori diplomën Bachelor të Shkencave në Menaxhim Biznesi, vetëm një ditë pas ditëlindjes së saj.

Beale vendosi të kthehej në shkollë në fund të 70-ave. Në vitet e saj të reja, Beale punoi si një infermiere praktike e licencuar në Uashington. Teksa punonte në qendrat e Departamentit të Shëndetit dhe Shërbimeve Njerëzore për Medicare dhe Medicaid, ajo ndihmoi në planifikimin e disa ngjarjeve të mëdha, të cilat frymëzuan një orientim karriere.

Në vitin 1994, në moshën 54-vjeçare, Beale filloi biznesin e saj të planifikimit të ngjarjeve dhe filloi të punonte drejt diplomës së saj të asociuar në Menaxhim Biznesi në Kolegjin e Komunitetit Hoëard.

Pas përfundimit të programit të diplomës së asociuar, ajo vendosi të regjistrohej në universitet.

“Doja të sigurohesha që do të kisha kohë për t’i kushtuar vëmendje çdo ligjërate. Unë isha si breshka, e ngadalë dhe e qëndrueshme fiton garën”, tha Beale.

Pavarësisht se ishte më e vjetër se shumica e kolegwve të saj, Beale ishte një studente e dalluar. Ajo u diplomua me nderime dhe u rendit disa herë në listën e dekanit gjatë kohës së saj në universitet.

Beale mori diplomën e saj së bashku me 3,300 të diplomuar nga gjeneratat 2020, 2021 dhe 2022.

Ajo inkurajoi të tjerët që të ndiqnin arsimin e lartë me mendje të hapur, shkruan CNN, transmeton Klankosova.tv.

“Ekspozoni veten ndaj sa më shumë mundësive që mundeni, sepse nuk e dini kurrë se çfarë do të prezantojë jeta”, u shpreh 82 vjeçarja.