Shërbimi Spitalor Klinik Universitar i Kosovës (ShSKUK), ka njoftuar se 50 pacientë të infektuar me Covid-19 janë duke u trajtuar nëpër klinika, raporton Demokracia.com.
Numri i atyre që janë me oksigjeno-terapi është 32, ndërsa pesë raste janë në mjekimin intensiv.
“Në Shërbimin Spitalor Klinik dhe Universitar të Kosovës (ShSKUK), në trajtim mjekësor nga Covid-19 janë 50 pacientë. Prej tyre 42 të konfirmuar me Covid-19 pozitivë dhe 8 të negativizuar, post-Covid-19. 30 pacientë janë me oksigjeno-terapi dhe 5 pacientë në Mjekim Intensiv”, thuhet në njoftimin e ShSKUK-së në rrjetin social Facebook.
Sipas raportit të klinikave dhe spitaleve të përgjithshme më së shumti pacientë ka në Klinikën Infektive me gjithsejtë 23 pacientë me Covid-19.
“Klinika Infektive, 23 pacientë;Mjekimi Intensiv i Klinikës Infektive, 5 pacientë; Klinika e Pediatrisë, 2 pacientë; Klinika e Gjinekologjisë, 1 paciente; Spitali i Prizrenit, 2 pacientë; Spitali i Gjilanit, 7 pacientë; Spitali i Pejës, 1 pacient; Spitali i Gjakovës, 4 pacientë;Spitali i Ferizajt, 5 pacientë”./Demokracia.com/