Nëse fëmija juaj vjen në dhjetor, konsiderojeni kukullën tuaj të vogël me fat. Ky është muaji kur lindin më pak fëmijët (24-ta dhe 25-ta janë datëlindjet më të rralla), ndaj këto foshnja janë të veçanta që nga lindja.
Sigurisht, kjo do të thotë që festa e datëlindjes ndoshta do të përplaset fort me festimet e Krishtlindjes, por edhe fëmija juaj do të rritet duke e ditur që muaji dhjetor është veçanërisht magjik. Këtu janë disa statistika për fëmijët e lindur në dhjetor:
1. Lehtë për t’u zgjuar dhe për të shkuar në shtrat herët
Hulumtimet e bëra nga universitetet italiane dhe spanjolle tregojnë se personat e lindur në dhjetor kanë më shumë gjasa të jenë tipa mëngjesi sesa ata të lindur në verë. Studime të tjera tregojnë se fëmijët e lindur në këtë muaj zakonisht shkojnë për të fjetur më herët.
2. Ata janë shpesh mëngjarashë (sidomos djemtë)
Djemtë e lindur në dhjetor kanë më shumë gjasa të jenë mëngjarashë, sipas një studimi nga Universiteti i Vjenës. Në një studim që përfshinte 13.000 të rritur, 7.5 për qind e grave dhe 8.8 për qind e burrave ishin mëngjarashë. Kur shikuan datën e lindjes së tyre, zbuluan se shumica e meshkujve mëngjarash ishin lindur midis 1 nëntorit dhe 1 janarit.
3. Janë Shigjetarë ose Bricjap
Nëse besoni në astrologji, një fëmijë mund të lindë në një nga këto shenja, në varësi të faktit nëse ka lindur para apo pas 21 dhjetorit. Të lindurit mes 1 dhe 21 dhjetorit bien në shenjën e Shigjetarit dhe thuhet se janë ekstrovertë që duan të udhëtojnë. Ndërsa personat e lindur nga 22 deri në 31 dhjetor janë Bricjap dhe janë shumë të vendosur dhe duan të ndihmojnë.
4. Jetëgjatësia
Foshnjat e lindura në muajin e fundit të vitit kanë shanset më të mira statistikore për jetë të gjatë, që do të thotë se ata jetojnë mbi 100 vjeç. Një ankesë e zakonshme për këtë muaj është se shpesh ndodhin shumë festa. Askush (sidomos fëmijët) nuk dëshiron të ndiejë se datëlindja e tyre është vetëm një nga shumë gjëra, por kur një familje feston datëlindjen e një fëmije, duhet theksuar se buzëqeshja e personit të ditëlindjes mund të jetë drita më e ndritshme e Krishtlindjes.
5. Ka shumë gjasa që ai të jetë dentist
Sipas një regjistrimi në Britaninë e Madhe, studiuesit zbuluan se ka një shans të lartë që fëmijët e lindur në dhjetor të bëhen dentistë, raportoi Guardian. Pra, nuk është kurrë herët për të filluar ta mësoni fëmijën tuaj për shëndetin oral.
