Sipas pretendimeve të shkencëtarëve, sipërfaqja e Merkurit mund të ishte e mbuluar me diamante.

Merkuri është planeti më i afërt i Diellit, por të njëjtën kohë është prej më intriguesve në sistemin solar.

Për dallim nga Hëna dhe Marsi, për Merkurin shumë pak dihet. Korja e Merkurit është kryesisht e formuar nga grafitet, format e pastra të karbonit që mund të shndërrohen në diamante pas goditjes nga një meteor, transmeton Telegrafi nga mediet e huaja.

Planeti është plot kraterë për shkak të meteoritëve dhe kometave që kanë goditur në të kaluarën.

Por, tani hulumtimi më i ri sjell teori tjera – e një prej tyre është se korja e Merkurit mund të përmbajë mbi 16 trilionë tonelata diamante.