11 persona kanë humbur jetën brend 24 orëve në Shqipëri nga COVID-19.

Ministria e Shëndetësisë e Shqipërisë ka bërë të ditur se janë kryer 3345 testime, ndërsa kanë rezultuar pozitivë 539 persona, prej tyre më së shumti në Tiranë- 211.

Janë shëruar 839 qytetarë gjatë 24 orëve të fundit, ndërsa aktualisht në spitalet COVID po marrin trajtim 222 pacientë, nga të cilët 30 janë në gjendje më të rënduar.

Që nga shpërthimi i epidemisë me koronavirus në Shqipëri janë konfirmuar 167.893 raste pozitive, prej tyre 153.619 janë shëruar, 11.634 janë aktive, ndërsa betejën me sëmundjen e rrezikshme e kanë humbur 2.640 pacientë.