Kemi të gjithë një model në kokë të një njeriu me depresion. Mendojmë që janë njerëz gjithmonë të trishtuar, që ndihen vazhdimisht keq, të trishtuar, që qajnë dhe e shfaqin dëshpërimin në çdo moment. Por ja që realiteti nuk është ky.
E vërteta është se simptomat e depresionit ndryshojnë shumë, kjo është arsyeja pse dikush mund të postojë selfie pa pushim në Instagram dhe njëkohësisht të jetë duke përjetuar momente depresive.
Pandemia e koronavirusit e ka nxitur këtë gjendje. Por nëse nuk e keni përjetuar kurrë më parë, mund të jetë e vështirë ta identifikoni sepse mund ta ngatërroni me ndjenjën e trishtimit.
Huffington Post u konsultua me disa ekspertë të shëndetit mendor për të ndihmuar në nxjerrjen në pah të disa shenjave që mund të tregojnë gjendje depresioni – edhe kur trishtimi nuk duket.
Të pushton një lodhje e përgjithshme, që nuk duhet ngatërruar me pasivitetin nga pandemia
Oreksi ndryshon në mënyrë drastike. Mund të hash më shumë se zakonisht, ose më pak. Ndonjëherë ke mungesë të theksua oreksi.
Lehtësisht i irritueshëm dhe agresiv.
Zakonet shoqërore kanë ndryshuar në mënyrë delikate. Kur nuk ke asnjë dëshirë të takosh miqtë që dikur mezi prisje t`i takoje.
Kur të mungojnë energjitë edhe për t`u kujdesur për veten. Për shembull s`ke fuqi dhe dëshirë as për dush e as të lash dhëmbët.
Kur punon shumë. Më shumë se zakonisht.
Kur përjeton periudha të gjata stresi.
Kur libido (dëshira seksuale) është në nivele të ulëta.
Zakonet e gjumit kanë ndryshuar.
Jeni jashtëzakonisht të ndjeshëm ndaj refuzimit.