32 të vdekur dhe 1 mijë e 511 raste me Covid-19 janë shënuar në Maqedoninë e Veriut.

Gjatë 24 orëve të fundit në Maqedoninë Veriore nga 4 mijë e 445 teste të kryera janë regjistruar 1 mijë e 511 raste të reja me Covid-19.

Ndërsa betejën me Covid-19 e kanë humbur 32 pacientë.

Në ndërkohë nga Instituti i Shëndetit Publik njoftojnë se janë shëruar 587 pacientë, transmeton Alsat.

Që nga fillimi i pandemisë, janë regjistruar gjithsej 130.022 raste, prej të cilëve 106.979 janë shëruar, kurse 3.781 kanë ndërruar jetë. Vendi aktualisht ka raste aktive 19.262.